Nokkurra daga gömul þegar hún kom ásamt foreldrum sínum fyrr í sumar

Ég hef þekkt pabba þeirra frá því ég kynntist manninum mínum enda voru þeir miklir vinir og mamma þeirra kom svo til sögunnar ekki löngu seinna þannig að árin sem við höfum þekkst eru orðin ansi mörg. Vináttan var mikil á þeim tíma og mikið skemmtilegt gert saman. En eftir því sem árin hafa liðið þá hittumst við æ sjaldnar, en þrátt fyrir það er það þannig að þegar við hittumst er eins og það hafi verið í síðustu viku, það hlýtur að teljast til góðrar vináttu. Hér er hún nokkurra daga gömul með stóra bróður Innilega til hamingju með litla molann ykkar elsku Íris og Árni og auðvitað Axel…

Lítið spons sem var inni í þessari kúlu og kom í myndatöku 8 daga gömul. Hún var takk fyrir alls ekki neitt á því að sofa og lét okkur bíða og bíða, loksins svo þegar hún sofnaði var hún nú heldur ekkert á því að láta vera hnoðast neitt með sig. En þrátt fyrir það náðum við fullt af krúttlegum myndum og hér má sjá nokkur sýnishorn.

Yndislegur lítill kútur, 9 daga gamall þegar hann kom í myndatöku ásamt foreldrum sínum Innilega til hamingju með molann ykkar Edda og Arnar!

Hún er sannkallað jólabarn þetta litla krútt enda fædd á jólanótt. Hún var inni í þessari glæsilegu kúlu og þau komu snemma á nýja árinu í myndatöku. Hún var nú ekkert alveg á því að sofa til að byrja með, en svo þegar hún lognaðist útaf var hún eins og leir í höndunum á mér, hægt að gera hvað sem er. Elsku Silja & Bjössi enn og aftur innilega til hamingju með gullið ykkar, hlakka til að heyra hvaða nafn hún fékk og hlakka enn meira til að hitta ykkur öll aftur seinna í sumar.