Gjafakort

Ég var beðin um að lífga og fríkka veggi fæðingardeildarinnar á Heilbrigðisstofnun Suðurnesja fyrir alllöngu síðan. Það eru nú þegar komnar nokkrar af myndunum mínum þar upp á veggi. En veggplássið er töluvert og því nóg að fylla, upp kom sú hugmynd að hafa eingöngu myndir á veggjunum sem fæðst hafa á deildinni og vantaði mig því “módel”.

Ég útbjó 10 stk gjafakort handa nýbökuðum foreldrum þar sem þeim býðst myndataka að kostnaðarlausu, þau fá 1 stk. mynd í str 20×25 cm gegn þvi að ég megi nota myndirnar á veggi fæðingardeildarinnar og á www.infantia.eu.

Nú þegar er farið að heyrast í foreldrum og ég búin að mynda nokkra nýbura.