Ég myndaði þennan pjakk þegar hann var enn í kúlunni og svo aftur nýfæddann. Nú er hann orðinn 7 mánaða og æðislegt að fá að hitta hann aftur og sjá hvað hann hefur stækkað mikið og dafnað vel. Foreldrar hans eru frábærir og alltaf gaman að hitta þau. Vona svo sannarlega að ég fái tækifæri til að mynda þau öll aftur við tækifæri. Pabbinn er körfuboltamaður og er þegar farinn að þjálfa guttann í að dripla Flottastur.is

Hef sagt það áður og segi enn, ég elska þegar ég fæ að hitta og mynda sömu börnin aftur og aftur. Ég myndaði Friðrik fyrst ásamt foreldrum hans á brúðkaupsdaginn þeirra í júní 2007, ég myndaði hann svo aftur ekki svo löngu seinna og núna í þriðja sinn, lítil systir hefur bæst í hópinn síðan sem nú er orðin þriggja ára. Úber sætir og skemmtilegir krakkar sem eru ótrúlega meðfærilegir og gaman að mynda þau….og alltaf gaman að hitta foreldra þeirra.