Ég hef verið þess heiðurs aðnjótandi að mynda þessi börn áður, fyrst drengin og svo aftur eftir að litla systir fæddist. Í þetta sinn hittumst við úti á sunnudegi um miðjan október og veðrið sýndi ýmis tilbrigði, lentum í hellidembu, fengum sól og allt þar á milli. En létum það lítið á okkur fá og skemmtum okkur vel

Þau komu í fyrsta skipti til mín fyrir síðustu jól og það var ótrúlega gaman að fá að hitta þau aftur og sjá hvað börnin höfðu stækkað og þroskast mikið, sérstaklega sú stutta. Við hittumst úti á fallegum laugardegi í byrjun október og nutum þess að vera úti í fallegri náttúrunni. Eftir að hafa myndað fjölskylduna saman bættust nokkur frændsystkini í hópinn til þess að fá hópmynd handa ömmunni en auðvitað tók ég nokkrar fleiri myndir af frændsystkinunum í leiðinni

Það er alltaf jafn gaman að hitta þessar yndislegu systur og mömmu þeirra. Ég hef verið svo heppin að fá að mynda þær nokkrum sinnum áður. Í þetta skiptið hittumst við utandyra á dásamlega fallegum laugardegi í byrjun október. Við skemmtum okkur frábærlega vel eins og alltaf þegar við hittumst og það var mikið hlegið.